قريبة عائلة الطفلة لمار قط من عبلين: يكفي تهجما على الأهل والعائلة قبل أن تفهموا القصة والحقيقية

التاريخ : 2016-10-15 14:50:16 |

جاء في رسالة من قريبة عائلة الطفلة المرحومة لمار قط ( 3 سنوات) من عبلين، والتي لقيت مصرعها امس الجمعة اختناقا داخل سيارة . بكفي تكونو هالقد سطحيين وتتهجموا على الأهل والعيلة قبل ما تفهموا القصة الحقيقية. "ملاحظة : ننشر الرسالة كما وصلتنا حرفيا ودون تعديل " ...

صباح الخير جميعًا؛ منشور طويل شوي بدي أطرح فيو فكرة وأوضح عدة أفكار بالنسبة للفاجعة اللي حلت بعيلتنا .

1. لوينتا بدنا نمشي زي القطيع الأعمى وراء الإعلام، كتير مواقع (كل مواقع الأخبار) نشرت خبر عن بنت بريئة اسمها "لمار يوسف قط" اللي لقيت مصرعها بطريقة جدًا ظالمه واللي عارفينها انها اعطتكو عمرها إختناقًا داخل سيارة مغلقة. المواقع اكيد حبت تزيد لمستها بالتزويد ونشروا انه البنت تُرِكَت بالسيارة لمدة 12-13 ساعه. الخبر جِدًا مغلوط:

أ. الاعتماد كان مبنى على تقرير للشرطة اللي مش موجود.

ب. توضيح للفكرة ككل انه الطفلة كانت تلعب بالساحة ودخلت للسيارة وقفلت على حالها لمدة تقل عن 20 دقيقة؛ لكن بسبب درجات الحرارة ما قدرت تستحمل. وبتحدى الجميع يروح يفحص بالتقرير الطبي وراح يشوف نفس اللي بحكي.

2. على أي اساس الاعلام بنشر اسم البنت وصورتها بدون إذن أهلها ومن افراد عيلتها.

3. بكفي تكونو هالقد سطحيين وتتهجموا على الأهل والعيلة قبل ما تفهموا القصة الحقيقية. بحقش لأي حدا فيكو يتهم الأهل بصفات اللي مخزية ومقرفة وتعبر فقط عن ضعف شخصياتكو وقوتكو بالتهجم فقط.

4. وأخيرًا؛ كل جهة تعدت على حقوقنا بالخصوصية وشَهَرَت باسم العيلة راح يكون الها تعامل خاص عن طريق سلطات مثل المحاكم والقضاء.المنشور راح احطو عام عشان اللي حابب يساهم بنشر الفكرة.

رجاءً أعطوا العيلة خصوصيتها بهاد الوقت الصعب.

الله يجعلها خاتمة الأحزان ويخليلكو حبابكو