المطربة المصرية مي فاروق بعد نجاح حفلها بالسعودية: «كل ده بعد فضل ربنا والشكر لأمي وأبويا»

التاريخ : 2023-06-15 01:52:56 |

وأضافت مي فاروق عبر «فيس بوك»: «بعد كل السعاده اللي كنتم سبب ليا فيها بعد فضل ربنا ونعمته وبعد كل الشكر والدعاء لأمي وأبويا، لأن كل اللي بوصل له بفضل دعاءهم، شكرا لكم ولحبكم وثقتكم وفرحتكم بيا واحساسكم اللي واصل لي انكم فرحانين ببنتكم وأختكم متشكرة من قلبي وشكرا لكل فرد في حياتي بيدعمني وبيساعدني أكون أفضل».

وتابعت: «أول الشكر لاولادي اللي مقدرين ويارب أكون أم يفتخروا بيها وأخويا عمرو فاروق ابراهيم نيفين الديب، بعد ربنا وبعد أبويا وأمي وزوجته واولاده ربنا مايحرمني منكم صاحبة عمري واختي ومديرة أعمالي حقيقي نعم الأخت والسند والظهر ومتشرفه انك في حياتي رباب يونس، فريق السوشيال ميديا المسؤل عن كل صفحاتي اللي حقيقي هم نعم الاخوات والظهر وعلي رأسهم اخويا العزيز مايكل ماهر».

واستكملت: «المسؤول عن اطلالتي الحلوه دائما ومهتم اني اظهر لكم بشكل حلو طول الوقت اخويا الغالي إيهاب العادلي، واخويا الغالي واشطر مصور بيظهرلكم صوري محمد جمال وحبيبتي اللي تعبانه معايا دائما أسماء علام وأصحابي وحبايبي المحيطين القليلين جدا لأنهم حقيقيين جدا وهم عارفين نفسهم».

واختتمت: «شكرا الاساتذه الفنانين الموسيقيين اللي دائما بتشرف بوقوفي معهم على مسرح واحد، شكرا المايسترو الكبير يحيي الموجي شكرا مهندس الصوت الكبير ياسر أنور على تعبكم ومجهودكم في الحفل الرائع، طولت عليكم بس حسه اني عايزه اشكر فرد فرد واشكر كل حد بيتعب معايا عشان اكون افضل، شكرا والف حمد لله على الطبطبه بعد المحن الكتير، بحبكم جدا اتمني دائما اكون قد ثقتكم وحبكم ويارب يا ماما انتي وبابا تكونوا فرحانين دلوقتي». (عن: المصري اليوم)