|
|
|
|
 
|
كلمات مؤثرة جدًا.. الفحماوية هديل جبارين في رثاء شقيقها المرحوم عضو بلدية ام الفحم المهندس اياد جبارينالتاريخ : 2024-01-28 20:21:08 | كلمات مؤثرة جدًا.. كتبتها الفحماوية هديل احمد فرح جبارين في رثاء شقيقها المرحوم بإذن الله، عضو بلدية ام الفحم المهندس اياد احمد فرح جبارين، الذي وافته المنية مساء يوم الجمعة اثر نوبة قلبية حادة، وقالت فيها: حبيبي خيا حبيبي اياد يا كبيرنا يا فخرنا يا ابوي الثاني ، الّي ونا صغيرة بقى يضل حاملني عكتافه ويفر فيي وكل الناس يفكروني بنته رحت بسرعة يا حبيبي والله رحت بسرعة بس بعرف انه ربنا اخذك عنده لانه اشتاقلك ولانه بحبك كثير ، ربنا بحبك اكثر منا كلنا ياريتك تعرف قديش طلعت في ناس بتحبك قديش ناس انحرق قلبها لانها مش رح ترجع تسمع صوتك الحنون وتشوف ضحتك الحلوة بس والله يا اياد يا حبيب قلبي صوتك وضحتك رح يضلين محفورات ببالي وبقلبي لطول ما فيي نفس رح اخرف ابني عنك ، رح اخليه يحبك بدون ما يشوفك ويعرفك ، مع اني بقيت اتمنى انه خاله الكبير يشوفه ويكبر معه ويحبه بس هاذ قضاء ربنا وقدره ولا اعتراض مزبوط انا زعلانة.. مزبوط انا قلبي بتقطع .. بس انا بعرف وبآمن وعندي يقين تام انه انت مبسوط هسا عند ارحم الرحمين ، عشان هيك وحياتك .. وحيات غلاوتك عندي رح اصير اقوى الله يصبرني عفراق ضحتك وفوتتك عالدار وصوتك يا حنون يا غالي الله يصبر قلبك يا امي الله يصبر قلبك يابا الله يصبر قلوبكم يا اخوتي لا حول ولا قوة الا بالله والحمدلله رب العالمين
تعليقات الزوار Warning: mysql_fetch_array(): supplied argument is not a valid MySQL result resource in /home/almsar/domains/almasar.co.il/public_html/admin-aps/plugins/comments/include.php on line 0  Warning: mysql_fetch_array(): supplied argument is not a valid MySQL result resource in /home/almsar/domains/almasar.co.il/public_html/admin-aps/plugins/comments/ARA_load.php on line 0  |
ارسل لصديق
نسخة للطباعة
شارك